गलत प्रकारको खानपान, अति व्यस्त जीवनशैलीको कारणले यो समस्या आउने गर्दछ । यसको उपचारको निम्ति लिइएको औषधीले पूर्ण रुपमा नभई केही समयको लागि मात्र कब्जियत हटाउने हुँदा खानपान र जीवनशैलीद्वाा कब्जियतको उपचार गर्न अति जरुरी हुन्छ ।
– बोक्रासहितको आलु कुटेर रस निकाली २ चम्चा रस बिहान खाली पेटमा सेवन गर्नुपर्दछ ।
– मनतातो पानीमा २ चम्चा मह मिसाएर बिहान खाली पेटमा पिउनु पर्दछ ।
– बिहान खाली पेटमा छोहरा वा पाकेको केरा खानाले फाइदा गर्छ ।
– दैनिक भोजनमा रेसायुक्त खानेकुराको सेवन गर्नुपर्दछ ।
– रेसायुक्त अन्न, फलफूल, तरकारी र सलादहरुमा प्रशस्त पाइन्छ । जुन यस प्रकार रहेको छ—
अन्नः चोकर सहितको गहुँ (आँटा), ब्राउन राइस, जौ
फलफूलः स्याउ (बोक्रासहित), आँप, अन्जिर, छोहरा, किसमिस, मुनक्का दाख, सुन्तला, जुनार, भुइँकटहर, खुर्पानी, नासपाती, मेवा ।
तरकारी र सलादः हरियो सागपात विशेष गरी पालुङ्गो, सिमी, गाँठेमुला, फर्सी, केराउ, कुरिलो, काउली, बन्दा, गाँजर, प्याज, गोलभेँडा, टुसाएको गेडागुडी आदि ।
माथि उल्लेख गरिएका रेशायुक्त खानालाई दैनिक सेवन गर्नुपर्दछ ।
साभारः ‘१०१ रोग, एकसे एक उपचार’ पुस्तकबाट
