डेंगु रोग नियन्त्रणका लागि काठमाण्डु महानगरपालिकाले शुक्रबार ‘वाक एण्ड एक्ट’ कार्यक्रम गर्दैछ ।
यो कार्यक्रम शुक्रबार एक दिनमात्र हुनेछ । यस कार्यक्रममार्फत् लामखुट्टे बस्ने स्थानहरू नष्ट गर्ने, लामखुट्टेको टोकाइबाट जोगिने उपायबारे जानकारी दिन माइकिङ गर्ने लगायतका काम हुने महानगरपालिकाको स्वास्थ्य विभाग प्रमुख दिपक कुमार केसीले जानकारी दिए ।
महानगरपालिका अन्तर्गतका सबै वडामा एकसाथ, एकै समयमा डेंगु रोगको रोकथाम तथा नियन्त्रणका लागि ‘वाक एन्ड एक्ट’ मेगा अभियान हुन लागेको उनले बताए ।
यसअघि यस्तो अभियान महानगरपालिकाले हरेक हप्ता शुक्रबार गर्दै आएको थियो ।
