वर–पीपल भन्नेबित्तिकै हामी चौताराका ठूला रुख सम्झन्छौँ । जहाँ गर्मीमा शीतलता पाउन तथा गलेका वेला थकान मार्न बसिन्छ । तर, तिनै वर–पीपलका पात, बोक्रा र फल विभिन्न रोगका औषधि हुन्छ भन्ने कमैलाई मात्र थाहा हुन्छ ।
बरको दूध पोसिलो र धेरै रोग नाश गर्ने खालको हुन्छ । बोक्रा पौष्टिक र बलवीर्य बढाउने खालको हुन्छ । वरको फल, पात, बोक्रा र त्यसमा आउने दुधिलो चोपमा औषधीय गुण हुन्छ । यसलाई धुलो बनाएर १–१ चम्चा ३ ग्राम दूधमा मिसाएर दिनको दुईपटक खाने । या १–२ ग्राम धुलो बनाएर बिहान–बेलुका सेवन गर्दा राम्रो हुन्छ । त्यस्तै, झोल बनाएर सेवन गरे १०–१५ थोपा दिनको दुईपटक सेवन गर्ने ।
औषधीय महत्व
– महिनावारी गडबडी हुने महिलाले वरको फल नियमित खाए राम्रो गर्छ ।
– साह्रो दिसा लाग्ने ग्यास्ट्रिक, पायल्स र आन्द्राको घाउ भएका तथा मधुमेहका बिरामीलाई यसले फाइदा गर्छ ।
– यसले रगतमा भएको विकार पदार्थ हटाउनसमेत मद्दत गर्छ ।
– मुखमा घाउ खटिराको संक्रमण भएमा ठीक गर्छ ।
– सुन्निएको र ज्वरो आएका वेलामा राम्रो हुन्छ ।
