पोखरा, ५ मंसिर । कास्की निर्वाचन क्षेत्र नं. २ को प्रतिनिधि सभा सदस्यको मतगणनामा स्वतन्त्र उम्मेदवार माधवराज कंडेलले अग्रता लिनुभएको छ । २८८९ मत गणना गर्दा प्रतिनिधि सभा कास्की निर्वाचन क्षेत्र नं २ बाट ८७५ मत प्राप्त गर्दै कंडेलले अग्रता लिनुभएको छ ।
त्यस्तै एमालेकी विद्या भट्टराईले ६९० मत प्राप्त गर्नुभएको छ भने एकीकृत समाजवादीका श्रीनाथ बरालले ४६९ मत प्राप्त गर्नुभएको छ । त्यस्तै राष्ट्रिय प्रजातन्त्र पार्टीका सुर्वणराज पन्तले ४५१ मत प्राप्त गर्नुभएको छ ।
त्यसैगरी कास्की निर्वाचन क्षेत्र नं २(१) तर्फ २०८२ मत गणना गर्दा राष्ट्रिय प्रजातन्त्र पार्टीका विजयबाबु भण्डारीले ८२६ मतसहित अग्र स्थानमा हुनुहुन्छ । त्यस्तै एमालेका भीमबहादुर कार्की ५६१ र माओवादीका विश्वप्रकाश लामिछानेले ३३० मत प्राप्त गर्नुभएको छ ।
