पोखरा, ५ मंसिर । कास्की निर्वाचन क्षेत्र नं. २ को प्रतिनिधि तथा प्रदेश सभा सदस्यको मतगणना शुरु गरिएको छ ।
प्रतिनिधि सभा सदस्यको पाँच सय मत गणना गर्दा स्वतन्त्र पार्टी (घण्टी) चिन्नका उम्मेदवार माधवराज कंडेलले सबैभन्दा धेरै १६२ मत प्राप्त गर्नुभएको छ भने एमालेकी विद्या भट्टराईले १२२ मत प्राप्त गर्नुभएको छ भने गठबन्धनको तर्फबाट समाजजादीका उम्मेदवार श्रीनाथ बरालले ११० मत प्राप्त गर्नुभएको छ भने राप्रपाका सुवर्णराज पन्तले ७५ मत प्राप्त गर्नुभएको छ ।
निर्वाचन क्षेत्र नं २ को प्रदेश सभा सदस्यको मतगणना पनि सुरु भइरहेको र केही समयमा प्रारम्भिक नतिजा सार्वजनिक गरिने बताइएको छ । त्यस्तै कास्की निर्वाचन क्षेत्र नं १ र ३ को मतगणना बिहान ११.०० बजेदेखि शुरु गरिने निर्वाचन कार्यालय पोखराका प्रदेश निर्वाचन अधिकृत हुमप्रसाद पराजुलीले बताउनुभयो ।
