पोखरा, २७ कात्तिक । गण्डकी प्रदेशसभा सदस्य उम्मेदवार विन्दुकुमार थापाले गुरुयोजना तयार गरी काहुँडाँडाको विकास गर्ने प्रतिवद्धता मतदाताबीच गर्नुभएको छ । गठबन्धनबाट कास्की क्षेत्र २(२) मा प्रत्यक्ष उम्मेदवार बन्नुभएका थापाले आइतबार पोखरा–११ काहुँ डाडाँमा घरदैलोपछिको चुनावी कोणसभालाई सम्बोधन गर्दै मतदाता समक्ष यस्तो प्रतिवद्धता व्यक्त गर्नुभएको हो ।
पर्यटकीय रुपमा अगाडि रहेको काहुँ विकास लगायत अन्य कुरामा पीछडीएकाले गुरुयोजना अद्धि सार्दै योजनाहरु ल्याउने उहाँले आश्वासन दिनुभएको छ । पाँच वर्ष यही क्षेत्रमा काम गरे अबको पाँच वर्षपनि जनताको काम गर्नका लागि आएको सुनाउँदै अघिल्लो पाँच वर्ष प्रदेश नामाकरण, संरचना निमार्ण, नीति नियम, ऐन कानून निमार्ण गर्दा सकिएको स्पष्ट पार्नभयो ।
विकासे मन्त्रिालयका जिम्मेवारी नपरेकै कारण अघिल्लो कार्यकालमा यस क्षेत्रमा जुनरुपमा विकास हुनुपर्ने थियो त्यो हुन सकेन, उम्मेदवार थापाले भन्नुभयो– मेरो अधिकार क्षेत्रले जति दियो त्यतिमात्रै गरे । फेरि मैले मन्त्रालय पनि विकासका योजना ल्याउने खालको पाइन’, उहाँले भन्नुभयो,‘तपाइंहरुलाई थाहै छ म कानून बनाउने मन्त्रालयमा परे । थापाले काहुँको समग्र विकासका लागि स्थानीयहरुसँग बसेरै गुरुयोजना निमार्ण गरी अघि बढ्ने कुरासमेत मतदातालाई सुनाउनुभयो । ‘बजारबाट नजिकै रहेर पनि काहुँ निकै पीछडीएको क्षेत्र हो । मैले यहाँको सबै समस्या बुझेको छु । सबैभन्दा ठूलो समस्या भनेको सडक र खानेपानी नै हो । सडक सञ्जाल भयो भने सबैतिर विकास हुन बेर लाग्दैन् ।
अर्को कुरा सराङकोट भन्दापनि यो बढी रमणीय ठाउँ छ तर पनि विकास हुन सकेन’, उहाँले थप्नुभयो । रानीबगर हुँदै जाने सडकलाई अब कृषि सडकको रुपमा विकास गर्ने गरी प्रदेशको रातो किताबमा परेकोसमेत उहाँले सुनाउनुभयो । कृषि सडक अन्तरगत एक करोड रुपैयाँ विनियोजन भइसकेको र अब काम सुरु हुन मात्रै बाँकी रहेको उहाँको भनाई छ । काहुँडाँडा पहिरोको जोखिम क्षेत्र भएकाले वातावरणीय अनुकुलको विकास आवश्यक रहेको बताउनुभयो ।
